काठमाडौं, ९ कात्तिक । नेपाली कांग्रेसले अख्तियार प्रमुख लोकमानसिंह कार्कीविरुद्ध बुधबार दर्ता गरेको महाभियोग प्रस्ताव पारित गर्ने नगर्ने निर्णय गर्न सकेको छैन् ।
विगतमा एमालेलाई ढुलमुले पार्टी भन्दै आएको कांग्रेसले एक सातासम्म पनि महाभियोग प्रस्तावको बारेमा निर्णय गर्न सकेको छैन ।
पार्टी सभापति शेरबहादुर देउवा पार्टीबाट महाभियोगको पक्षमा निर्णय गराउने प्रयासमा छन् । तर पटक पटक अर्थमन्त्री भएर भ्रष्टाचारको आरोप लागेका डा. रामशरण महत, नेताहरु डा. नारायण खड्का, मिनेन्द्र रिजालहरु लोकमानको रक्षामा मैदानमा उत्रिएका छन् ।
डा. महतले अर्थ मन्त्रालयमा गरेका भ्रष्टाचारमा आँखा चिम्लिएको र लिटिल एन्जेल स्कुलका साहु उमेश श्रेष्ठको अकूत सम्पत्ति छानबिनको उजुरी तमेलीम राखिदिएबाफत लोकमानको बचाउ गरेको कांग्रेस नेताहरु बताउँछन् ।
अर्थमा रामशरणले आन्तरिक राजस्व विभागबाट कर फस्यौट आयोग बनाइ अरबौं कर मिनाहा गरी ५० औँ करोड घुस खाएको प्रकरणमा अख्तियारले आँख चिम्लिए बाफत उनी लोकमानको पक्षमा उत्रिएका छन् ।
दृष्टि साप्ताहिकमा समाचार छ ।
Post a Comment