News Nepal

यस्तो आश्चर्यः एक बालिका दुई पटक जन्मिइन्....

एजेन्सीः आधुनिक चिकित्सकीय विकासले असम्भवलाई सम्भव तुल्याएको छ । तपाईं कल्पना गर्नुहोस् गर्भमा रहेको शिशु २० मिनेटका लागि बाहिर निकाल्दा बाच्ला ? तर, एक बालिका बाँचेकी छिन्। चिकित्सकले गर्भबाट निकालेको २० मिनेटको अवधिमा बालिकाको मेरुदण्डमा देखिएको ट्युमर शल्यक्रिया गरेर पुनः बालिकालाई गर्भमा राखेका थिए।
चिकित्सकले उक्त ट्युमरले मुटुमा असर गर्ने बताएपछि पाठेघरबाट निकालेर उनको जटिल शल्यक्रिया गरेर ट्युमर फालेका हुन् । ट्युमर फालिएपछि भने उनलाई पुनः गर्भमै राखियो ।
यत्ति जटिल उपचार पद्धतिबाट सफल उपचार गराइएकी एक बालिका स्वास्थ्य रुपमा जन्मिएकी छिन् । यो घटना अमेरिकाको टेक्सासको हो । टेक्सासकी मार्गरेट हकिन्स बोमरकी छोरी लिनली होप यसरी दुई पटक जन्मिएकी हुन्।।
समाचारमा उल्लेख भए अनुसार अल्ट्रासाउन्ड गर्दा १६ हप्तामा गर्भमा रहेकी बालिकाको मेरुदण्डमा ट्युमर भएको पत्ता लागेको थियो । उनको शल्यक्रिया भने २३ औँ हप्तामा भयो । यसरी एक पटक उपचारका लागि जन्मिएकी लिनली दोस्रो पटक साच्चिकै जन्मिएकी हुन् ।
अमेरिकाको टेक्साास फेटल सेन्टरका चिकित्सकले ठूलो जोखिम मोलेर बालिकालाई बचाएको सिएनएन अनलाइनले उल्लेख गरेको छ ।
शल्यक्रियाका क्रममा चिकित्सकले लिनलीको मुटुलाई रोकेको तर विशेषज्ञले विशेष प्रविधिबाट जीवितै राखेको शल्यक्रियामा संलग्न डा.डार्रेल कासले बताएका छन् ।
शल्यक्रियामा संलग्न चिकित्सक डा. कास भन्छन्, ‘यो समस्या समान्य हो तर एकदमै थोरै बच्चामा मात्र देखिन्छ।’ चिकित्सका अनुसार ट्युमर बढ्दै जाँदा बच्चाको शरीरबाट रगत लिन्छ र बच्चा पनि त्यही अनुसार बढ्दै जानेहुँदा बच्चाको स्वास्थ्यमा गम्भीर असर पर्छ । चिकित्सकले यस्तो समस्या ३५ हजारमा एक जनामा मात्र हुने बताएका छन् ।
शल्यक्रियापछि लिनलीकी आमा १२ हप्तासम्म पूर्ण बेडरेस्टमा बस्नुपरेको थियो । यसरी कठिन उपचार पद्धतिबाट गर्भमै बाँचेकी लिनली गत जुन ६ मा जन्मिएकी हुन् ।
शल्यक्रियअघि चिकित्सकले उनी जीवितै रहने सम्भावना ५० प्रतिशत मात्र भएको बताएका थिए । लिनलीको जीवन जोगाउनका निम्ति जोखिम मोलेर शल्यक्रिया गरेको आमा मार्गरेटलाई उद्धृत गर्दै सिएनएनले लेखेको छ ।
चिकित्सकले गर्भबाट बचाएर पुनर्जीवन दिएकी लिनली जन्मिएको पुनः ८ दिन नपुग्दै उनको मेरुदण्डमा रहेको बाँकी ट्युमर शल्यक्रियाबाट हटाइएको छ । समाचारमा उल्लेख गरे अनुसार लिनली अहिले स्वास्थ्य छिन् ।

बच्चालाई ज्वरो आउँदा के गर्ने, के नगर्ने ?....

काठमाडौं, कात्तिक ९- शिशुलाई ज्वरो आउँदा अभिभावक पनि शारीरिक र मानसिक रुपमा पीडित हुन्छन् । तर, ज्वरो संक्रमणविरुद्ध जुध्ने शरीरको आफ्नै तरिका हो । कतिपय अवस्थामा ज्वरो एक भाइरल संक्रमण हो, जुन आफँै बिस्तारै निको हुन्छ । यसको अर्थ यो होइन कि बच्चालाई उपचार र हेरचाहको आवश्यकतै छैन । शिशुलाई उच्च ज्वरो आउँदा निम्न विषयमा बिचार पु¥याउनुपर्छ ः
एन्टिबायोटिक दिन हतार नगर्नुहोस् । हो, कतिपय अवस्थामा १०१, १०२, १०३ डिग्री ज्वरो आएका बालबालिकालाई पनि एन्टिबायोटिक आवश्यकता पर्दैन । सामान्य प्यारासिटामोल सिरप खुवाएर पनि ज्वरो घटाउन सकिन्छ । स्मरण रहोस्, ब्याक्टेरियाको संक्रमणले ज्वरो आएको चिकित्सकले पहिचान गरेपछि मात्र एन्टिबायोटिक दिइन्छ ।
हातको विशेष सरसफाइ गर्नेः संक्रमणलाई न्यून गर्र्न पनि बारम्बार बिरामीको हात मनतातो पानीले धोइदिनुपर्छ । खाना खानुअगाडि र पछि एन्टिसेप्टिक प्रयोग गर्नुपर्छ ।
सधैँ ताजा खानेकुरा खान दिनुहोस् । फलफूल, घरमै बनाएको फलफूलको जुस, घरमै बनाएको अन्य खानेकुरा खुवाउँदा बच्चाको प्रतिरोधी क्षमता राम्रो हुन्छ ।
ज्वरोसँगै बच्चालाई वान्ता र पखाला लागेको छ भने उसलाई जबर्जस्ती नखुवाउनुहोस् । बरु झोलिलो कुरा र पानी पिउन दिनुहोस् । फलफूलको जुस र पानीले डिहाइड्रेसनबाट बचाउछ ।
बच्चाको खानेकुरामा प्रशस्त सागसब्जी (प्रोबायोटिक डाइट) समावेश गर्नुहोस् । यसले पाचन प्रक्रियामा सहयोग गर्नुका साथै प्रतिरोध क्षमतालाई सुधार्छ ।
शरीरको तापक्रम घटाउन मनतातो पानी वा चिसो पानीमा नरम लुगा भिजाएर टाउको र पाइतालामा राखिदिनुहोस् । तापक्रम बढ्नेबित्तिकै यो प्रक्रियालाई दोहो¥याउन सक्नुहुन्छ ।
बच्चाले पिसाब गरेको छ, छैन भन्ने ख्याल गर्नुहोस् । ज्वरो आउँदा बच्चाले पाँच, ६ घन्टासम्म पनि पिसाब फेरेको छैन भने उसलाई डिहाइड्रेसन भएको हुन सक्छ । यस्तो अवस्थामा ग्लुकोज पानी चढाउनुपर्ने हुन्छ ।
वान्ता गरेपछि तरल वा अन्य कुनै खानेकुरा खान नदिनुहोस् । कुनै खानेकुरा वा जुस दिनुअगाडि वान्ता गरेपछि कम्तीमा ३० मिनेट कुर्नुहोस् ।
बच्चाको ज्वरो तीन दिनसम्म पनि घटेन र दिनमा पाँचपटकसम्म वान्ता गरेमा तपाईंले बाल विशेषज्ञको सहयोग लिनुपर्छ । यस्तो अवस्थामा अस्पतालमा बच्चाको रगत र पिसाब जाँच गरिन्छ ।
धैर्य गर्नुहोस् । अभिभावकको शान्त स्वभावले पनि बच्चालाई छिटो निको हुन सजिलो बनाउँछ ।स्वास्थ्य खबरपत्रिकाले छापेको छ ।

महिला होस् वा पुरुषः सधैं गोप्य राख्नुस् आफ्ना यी ७ कुरा.....

एजेन्सी । कयौं पटक यस्तो भएको हुन्छ आफू जोशमा आएर कसैलाई आफ्नो ठानेर भविष्यको लागि केही नसोचेर अर्कालाई आफ्नो मनको कुरा बताइदिने गरिन्छ । यदि अगाडी गएर आफ्नो गल्तीको महसुश त्यतिखेर गरिन्छ जब आफ्नो राजको कुरा अर्कोले जानेबुझेर मौकाको फाईदा उठाउँछ । यसपछि सबैलाई धेरै प्रकारका चिन्ताहरु को सामना गर्नुपर्छ ।

यदि तपाईले आफ्नो भलो चाहनुहुन्छ भने यी सात कुरा कुनैपनि हालतमा कसैलाई पनि नबताउनुहोस् ।

अपमानः यदि कुनै कारणले कसैले तपाईको अपमान गरेको छ भने यस कुरालाई गोप्य राख्नु नै उपयसक्त हुन्छ । यदि तपाईले यो कुरा कसै अर्का दोस्रो व्यक्तिलाई बताउनु हुन्छ भने दुई जनासम्म फैलिन्छ, दुईबाट चार सम्म फैलिन्छ, चारबाट चालिस जनासम्म कुरा फैलिन समय लाग्दैन । यस्तो आवस्थामा तपाई मजाकको पात्रपनि बन्नुसक्नु हुन्छ ।

सम्पत्ति नोक्सान भएकोः आज कुनैपनि व्यक्तिको शक्ति तथा सामथ्र्य उनको धन सम्पत्तिबाट मुल्यांकन गरिन्छ । धनको आधारमा नाता निभाइन्छ र मित्रता गरिन्छ । अर्थात कहिल्यैपनि धन को नोक्सान भयो भने त्यो कुरालाई पनि कसैसामु व्यक्त गर्नु हुन्न । तपाईको भएको धन नोक्सानको बारेमा व्यक्तिहरुले थाहा पाएपछि उनले तपाई बाट दुरी बढाउँछ । धन नोक्सानभएको बाट उम्कनको लागि धनको नै आवश्यकता पर्छ र यो कुरा थाहा पाउन्जेल कसैले पनि धनको मद्यत गर्न मान्दैनन् ।

घर परिवारको झगडाः अधिकांह परिवारमा प्रायः गरेर सानो तिनो कुरामा विवाद भइरहन्छ । यदि आपसमा भएको झगडालाई घर भन्दा बाहिर कसैलाई पनि बताउनु हुँदैन । यस्तो गर्नमा समाजमा परिवारको प्रतिष्ठा कम हुन जान्छ । परिवारको हित नचाहने मान्छेले हाम्रो आपसी झगडाले फाइदा उठाउँछन् ।

मन्त्रः गुरुले दिएको मंत्रलाई पनि गोप्य राख्नुपर्छ । गुरु मंत्र तब मात्रै सिद्ध हुन्छ जब यसलाई गोप्य राखिन्छ । मंत्रहरु गोप्य राख्नुमा छिट्टै शुभ फल प्राप्त हुन्छ ।

दानः गुप्त दानको विशेष महत्त्व मानिएको छ । यस्तो मानिएके छकि जसले गुप्त रुपमा दान गर्छन् , उनलाई अक्षय पुण्यको साथसाथै देवी देवताको कृपा बाट पनि सुख सुविधाहरु प्राप्त हुन्छन् । दोस्रोलाई बताएर दान गर्नाले पुण्य प्राप्त हुँदैन ।

पद प्रतिष्ठाः यदि हामीले कसै ठुलो पदमा छौं र समाजमा हामीलाई धेरै सम्मान मिलछ र यस्तो कुरालाई पनि गोप्य राख्नुपर्छ । कुनै अरु व्यक्तिको सामु यस्ता कुराहरुलाई जाहेर गरेपछि यसले अहाँकारको भावना उत्पन्न गर्छ । अहाँकार पतनको मुख्य कारण बन्छ र तपाईको प्रतिष्ठामा कमी आउँछ ।

रतिक्रियाः महिला पुरुषबीचको रतिक्रिया (यौनसम्बन्ध)को बारेमा एकान्तको विशेष ध्यान राख्नुपर्छ । यो काममा जोडिएको कुरा गोप्य राखनु नै उपयुक्त हुन्छ । यदि यो कुरा अरुलाई जानकारी भएमा यसले हाम्रो चरित्र र सामाजिक जीवनको लागि राम्रो मानिँदैन ।

सजग रहनुहोस्–औषधी खाइरहनु भएको छ भने यी फलफुलहरुको जुस नपिउनुहोस्....

हाल धेरै जसो मानिसहरुको भागदौड जीवन चलिरहेको छ । वर्तमान लाइफस्टाइलका कारण मानिसहरु बिमारी हुने गर्छन् ।यस्तैमा चिकित्सकहरु औषधीको साथसाथै फलफुलको जुस पिउन सल्लाह दिने गर्छन् ।

तर, विमारीले औषधी खाइरहेको अवस्थामा कस्तो फलफुलको जुस खानुपर्छ त्यसबारे ख्याल दिने काम गर्दैनन् ।केही फलफुलको जूसले औषधीसँग रियाक्शन गर्ने हुदाँ यसको नराम्रो असर शरिरमा पर्छ । औषधीको प्रयोग गरेका बखत यी फलफुलको जूस प्रयोग गर्न हुँदैन ।

१. पाइनएप्पल जूस

यदी तपाई रगतलाई पातलो बनाउने औषधी खाइरहनुभएको छ भने पाइनएप्पलको जुस पिउनु हुँदैन । पाइनएप्पलमा ब्रोमेलिन नामक यौगिक पाइन्छ जसमा ब्लड क्लटिङ औषधीको असरलाई कम गराउने गर्छ ।

२. ग्रेप (अंगुर) जूस

यदी तपाई हाइ कोलस्ट्रोल, हाइ ब्लड प्रेशर जस्ता रोगबाट पिडित हुनुहुन्छ र औषधी लिइरहनु भएको छ भने विहान नास्तामा औषधी खाने बित्तिकै ग्रेप जूस पिउनु हुदैन ।

३. एप्पल (स्याउ) जूस

स्याउको जूसले वार्फरिनजस्तो औषधीको असर कम गर्छ । यस्ता विमारी जसलाई कीमोथेरापी गरिरहेको छ वा जो विरामी एटेनोलाल जस्तो औषधीको प्रयोग गरेका छन् उनीहरुले विहान स्याउको जूस पिउन हुँदैन ।

४. क्रेनवरी जूस

यदी तपाई हार्ट अट्याक, स्ट्रोक तथा ब्लड क्लटबाट बच्नका लागि औषधी लिइरहनु भएको छ भने क्रेनवरी जुस कहिल्यै नपिउनुहोस् । क्रेनवरी जुसमा फ्लेवोनाइड पाइन्छ जसले मेटाबोलिजमलाई प्रभावित गर्ने काम गर्छ ।

५. ओरेन्ज (सून्तता जूस

यदी तपाईलाई बिहानै सुन्तलाको जूससँग औषधी खाएमा फाइदा हुन्छ भन्ने सोच्नुहुन्छ भने तपाई गलत सोच्दैहुनुहुन्छ । साइट्र फलको जूसले औषधीको असरलाई कम गर्ने गर्छ ।

नेपालीपत्र बाट

कति गते जन्मिएको साथीसँग जीवन राम्रो हुन्छ ?...

ज्योतिषशास्त्रका अनुसार जन्मिएको गतेका आधारमा मानिसको भविष्य, प्रेम प्रसंग र उसका जीवनसँग सम्बन्धि अन्य पक्षहरु जान्न सकिन्छ । आफू जन्मिएको गते अनुसार मिल्ने जीवनसाथी बनाउँदा जीवन सफल हुने ज्योतिषहरुको धारणा रहेका छ ।

यसरी जान्नुहोस् आफ्नो अंक
ज्योतिषशास्त्र अन्तरगत अंकशास्त्रमा अनुसार अंक १ बाट ९ सम्मलाई अंकका रुपमा लिइएको छ । हरेक व्यक्तिको जन्म यी नै गतेमा हुने गर्छ । तपाई १० देखि ३१ सम्मको के भयो भन्ने जिज्ञासा हुनसक्छ । यसका लागि अंकशास्त्रमा निम्नानुसारको हिसाव राखिएकोछ ।

यदि तपाईको जन्म दुई अंकबाट उता अथवा १० देखि ३१ गते जन्म मिति परेको छ भने तपाईले आफ्नो जन्म मितिको दुई वटै अंकलाई जोड्नुपर्ने हुन्छ । जस्तै कुनै व्यक्तिको जन्मदिन २६ गते भयो भने अब यसलाई जोडिदिऊँ : २+६=८ तपाईको जन्मदिन अंकशास्त्रका अनुसार ८ भयो । त्यस्तै तपाईको जन्मदिन ११ गते परेको छ भने यसलाई पनि त्यसरी नै जोडिदिऊ : १+१=२, तपाईको जन्मदिन २ भयो ।

अब आफ्नो जन्मदिन थाहा पाएर कुन गते जन्मिएको प्रेमि वा प्रेमिकासँग कुन गते मिल्छ आफै पत्ता लगाउनु होस् ।

अंक १
यस अंकमा १, १०, १९ र २८ गते जन्म लिने मानिसहरु पर्छन् । यस अंककालागि ज्योतिषशास्त्रले २, १०, ७, १६, २५, ११, २०, २८, २९ गते जन्मदिन पर्ने प्रेमि वा प्रेमिकाहरु भाग्यवान हुने र उनीहरुको भविष्य राम्रो हुने बताएको छ ।

अंक २
यस अंकमा २, ११, २० र २९ गते जन्मदिन पर्ने मानिसहरु पर्छन् । यस अंककालागि ज्योतिषशास्त्रले २, ११, ७, १६, १, १०, ४, र १३ गते जन्मदिन पर्ने प्रेमि वा प्रेमिकाहरु भाग्यवान हुने र उनीहरुको भविष्य राम्रो हुने बताएको छ ।

अंक ३
यस अंकमा ३, १२, २१ र ३० गते जन्मदिन पर्ने मानिसहरु पर्छन् । यस अंककालागि ज्योतिषशास्त्रले २, १२, १५, १८, ९, २७, ६, र ९ गते जन्मदिन पर्ने प्रेमि वा प्रेमिकाहरु भाग्यवान हुने र उनीहरुको भविष्य राम्रो हुने बताएको छ ।

अंक ४
यस अंकमा ३, १३, २२ र ३१ गते जन्मदिन पर्ने मानिसहरु पर्छन् । यस अंककालागि ज्योतिषशास्त्रले १, २, ७, ८, ११, १६, १७, र २६ गते जन्मदिन पर्ने प्रेमि वा प्रेमिकाहरु भाग्यवान हुने र उनीहरुको भविष्य राम्रो हुने बताएको छ ।

अंक ५
यस अंकमा ५, १४, र २३ गते जन्मदिन पर्ने मानिसहरु पर्छन् । यस अंककालागि ज्योतिषशास्त्रले ५, १४, १६, ११, २३, ६, र २ गते जन्मदिन पर्ने प्रेमि वा प्रेमिकाहरु भाग्यवान हुने र उनीहरुको भविष्य राम्रो हुने बताएको छ ।

अंक ६
यस अंकमा ६, १५, र २४ गते जन्मदिन पर्ने मानिसहरु पर्छन् । यस अंककालागि ज्योतिषशास्त्रले ६, १५, १२, ३, १८, ९, र २७ गते जन्मदिन पर्ने प्रेमि वा प्रेमिकाहरु भाग्यवान हुने र उनीहरुको भविष्य राम्रो हुने बताएको छ ।

अंक ७
यस अंकमा ७, १७, र २५ गते जन्मदिन पर्ने मानिसहरु पर्छन् । यस अंककालागि ज्योतिषशास्त्रले ७, १०, ११, १६ र १३ गते जन्मदिन पर्ने प्रेमि वा प्रेमिकाहरु भाग्यवान हुने र उनीहरुको भविष्य राम्रो हुने बताएको छ ।

अंक ८
यस अंकमा ८, १७ र २६ गते जन्मदिन पर्ने मानिसहरु पर्छन् । यस अंककालागि ज्योतिषशास्त्रले २, ४, ८, ११, १३, १६, २६, र २७ गते जन्मदिन पर्ने प्रेमि वा प्रेमिकाहरु भाग्यवान हुने र उनीहरुको भविष्य राम्रो हुने बताएको छ ।

अंक ९
यस अंकमा ९, १८, र २७ गते जन्मदिन पर्ने मानिसहरु पर्छन् । यस अंककालागि ज्योतिषशास्त्रले ३, ६, ९, १५, १२, र १८ गते जन्मदिन पर्ने प्रेमि वा प्रेमिकाहरु भाग्यवान हुने र उनीहरुको भविष्य राम्रो हुने बताएको छ ।

.

शास्त्र भन्छ- यी ७ ब्यक्तिको घरमा खाना नखानुस्.....

ओएस नेपाल – भोजन हरेक ब्यक्तिलाई आवश्यक हुन्छ । खाना विना बाँच्न असम्भव छ । तर शास्त्रले जहाँ पायो त्यहिँ खाना खान नहुने भनेको छ । शास्त्रका अनुसार ७ ब्यक्तिको हातको खाना खानु धार्मिक र आर्थिक दृष्टिले घातक रहेको उल्लेख गरेको छ ।

१- ब्याजमा ऋण दिने ब्यक्ति
शास्त्रका अनुसार ब्याजमा ऋण दिने ब्यक्तिको घरमा खाना नखाएको राम्रो हुन्छ । गरुण पुराणले ब्याजमा ऋण दिने ब्यक्तिलाई अत्याचारी मानेको छ । यस्ता ब्यक्तिले अरुमाथि अत्याचार गर्ने हुँदा यस्ता ब्यक्तिको घरको खाना खाँदा धर्म नाश हुन्छ र पापको हिस्सा बनिन्छ ।

२- चरित्र हिन ब्यक्ति
गरुण पुराणमा नैतिकरुपमा चरित्रहिन ब्यक्ति स्त्री वा पुरुष जो भएपनि त्यस्ता ब्यक्तिको घरमा खाना नखानु भनेको छ । परस्त्री वा परपुरुषसँग शारीरिक सम्बन्ध राख्नेहरुको घरमा खाना खान नहुने उक्त पुराणमा लेखिएको छ । यस्ता ब्यक्तिको घरमा खाना खाँदा पापको भागी आफू पनि भइन्छ ।

३-तेश्रो लिङ्गी
पुराणका अनुसार तेश्रो लिङ्गीहरुको हातको खाना खानु पाप मानिन्छ । यीनीहरुलाई दान दिनु तर अन्न ग्रहण नगर्नु भनेर शास्त्रमा उल्लेख छ ।

४- तामसी
तामसिक बस्तुको सेवन गर्नेहरुको घरमा पनि अन्न खान नहुने शास्त्रमा उल्लेख छ । यस्ता ब्यक्तिको घरमा अन्न खाँदा पापको भागी बनिन्छ ।

५- क्रोधी र हिश्रक ब्यक्तिको हातको अन्न खानु हुँदैन । अहंकारी र क्रोधी ब्यक्तिको हातबाट अन्न खाँदा पाप बोक्नु पर्ने गोरुण पुराणमा उल्लेख छ ।

६- अनैतिक तरिकाले धन आर्जन गर्ने ब्यक्तिको घरमा पनि अन्न ग्रहण गर्न नहुने शास्त्रको भनाइ छ ।

७- मनुस्मृतिमा उल्लेख भए अनुसार रजस्वला भएका स्त्रीको हातको अन्न पनि खानु उचित हुँदैन । बैज्ञानिक र स्वास्थ्यको दृष्टिले पनि यस्ता महिलाको हातको अन्न असुद्ध

.

यस कारण आराध्याका बुवा रणवीर, ऐश्वर्याले खोलिन् रहस्य

एजेन्सी । चलचित्र ‘ए दिल हे मुश्किल’ मा रणवीर कपुर र ऐश्वर्या राय बच्चनले पहिलो पटकसँगै अभिनय गरेका छन् । हालै अभिनेत्री ऐश्वर्याले एक म्यागजिनलाई दिएको अन्तर्वार्ताले सबैलाई आश्चर्यमा पारेको छ ।

ऐश्वर्याले अन्तर्वातामा भनेकी छन् - चलचित्र सुटिङको क्रममा एक दिन उनकी छोरी आराध्याले रणवीरलाई पछाडिबाट अँगालिन् । ऐश्वर्याका अनुसार रणवीरले सो दिन कालो ज्याकेट लगाएका थिए जुन अभिषेकले लगाउने सँग मेल खान्थियो । ऐश्वर्याले छोरि आराध्यालाई प्रश्न गर्दा उनि आफ्नो बुवा सम्झेर अँगालो लगाएको बताइन् ।

ऐश्वर्याले अन्तर्वाताको क्रममा आराध्या रणवीरलाई अंकलको साटो आरके भन्ने गरेको सुनाइन् । ऐश्वर्राले भनिन् , ' आराध्यालाई रणवीरसँग चलचित्र तमाशाको गीत मटरगस्तीमा नाच्न खुब रमाइलो लाग्छ ।'

चलचित्र ‘ए दिल हे मुश्किल’ मा रणवीर कपूर, ऐश्वर्या राय बच्चन, फवाद खान र अनुष्का शर्मा मुख्य भूमिकामा रहेका छन् । चलचित्र अक्टोबर २८ मा रिलीज हुदैछ ।